విశాఖలో మత్స్య ఉత్పత్తుల ప్రోత్సాహక సదస్సు

Updated on: 2024-09-06 12:54:00

మత్స్య ఉత్పత్తుల ఎగుమతి ప్రోత్సాహం, సహకారంపై కేంద్ర మంత్రులు రాజీవ్ రంజన్ సింగ్, జార్జ్ కురియన్‌ల ఆధ్వర్యంలో విశాఖపట్నంలోని నోవాటెల్ హోటల్‌లో జాతీయ సదస్సు శుక్రవారం ప్రారంభమైంది. ఈ సదస్సును చేపల పెంపకందారులు, మత్స్యకారులు, పరిశ్రమల నిర్వాహ‌కులు, మత్స్య ఎగుమతిదారులు, విధాన రూపకర్తలు, ప‌రిశోధకులు మొదలైన వారితో సహా వివిధ వాటాదారుల మధ్య స‌హకారాన్ని పెంపొందించేందుకు నిర్వహిస్తున్నామని, మత్స్య ఎగుమతి ప్రమోషన్‌పై జ‌రిగే వాటాదారుల కన్సల్టేషన్లో వివిధ అంశాలపై చ‌ర్చ జ‌రుగుతుంద‌ని అధికారులు తెలిపారు.